Girseach na Gealaí

Titeann an dorchadas go luath sa gheimhreadh i mBéal Feirste. Glacann tú leis, go héarthach, mar dhíol ar na h-oícheanta fhada spleodracha samhraidh, ach, mar sin féin, mí na Nollag atá ann anois agus tá Meitheamh i bhfad uainn. Tá sé deacair cuimhne a mhealladh ar teas agus spéirtha gorma na tráthnóna agus é dubh dorcha ar a cúig.

Tá sé feannaideach amuigh; tá an t-aer glé glan. Ainneoin solas buí na lampaí sráide tá an spéir ábhalmhór, ábhaldhoimhin; tá an ioliomad réalta le feiceáil go rí-ghéar, gan scamall gan smál. Ar oícheanta mar seo, agus an olloiread réalta scaipithe romhat, tá tú umhal roimh scála na cruinne. Is corrán ramhar, maol, deirceach í an ghealach; beagnach scothlán. Luíonn sí go h-íseal sa spéir, samhail fathachúil os cionn díonta na dtithe, na línte agus cráitéir go soiléir uirthi. Tá Béal Feirste folctha ina solas bán; na cosáin reoite agus díonta ag glioscarnach ina luisne. Tá sí draíochta agus tigeann fonn ort an carr a stopadh chun féachaint uirthi.

Ach ní thig leat go fóill. Tá tú tar éis do iníon ceithre bliain a bhailiú ón bhean chúramaí, agus caithfidh tú í a thabhairt ‘na bhaile agus a chothú sul a mbíonn clampar ocrais uaithi. Tá sí fáiscthe go slán ina suíochán i gcúl an chairr, í go teolaí ina súisín bándearg. Ag tiomáint go mall thar na bacanna luais i Sráid Kimberley tíonn tú an ghealach san fhuinneog dheas. Tíonn sise don chéad uair í : “Féach!” adeir sí le híontas. “Sea,” a deir tú, “nach bhfuil sí gleoite.” Ar ais ag an teach cuachann tú chugat í chun faire ar an chorrán airgid. Tar eis cúpla bomaite smaointeacha ciúnais, ar sise: “An Ghealach – tá sí dár nglaoch.”

Ritheann crith síos do dhroim: tá draíocht ag an ghirseach seo.

 

***

Original in English: Moon Child.

This entry was posted in Uncategorized and tagged , , , , , , , , , , . Bookmark the permalink.

2 Responses to Girseach na Gealaí

  1. Cathal O says:

    Scéal galánta agus teanga an-fhileata.

    Tiomáinim síos an tsráid chéanna le mo ‘níon a thógáil ón bhean chúramaí. Nach beag an saol é!

    Though, my daughter is a wee bit young for philosophising yet 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s